Запісацца на прыём да кіраўніцтва раённага выканаўчага камітэта можна штодня, акрамя выхадных і святочных дзён, з 8.00 да 13.00 і з 14.00 да 17.00 па адрасе: г. Іванава, пл. Кастрычніка, 2, кабінеты 209, 201, або па тэлефонах 8 01652-2-80-10, 801652-2-80-01.
Работнікі сектара па рабоце з зваротамі грамадзян і юрыдычных асоб раённага выканаўчага камітэта паўнамоцныя ажыццяўляць папярэдні запіс грамадзян, іх прадстаўнікоў, прадстаўнікоў юрыдычных асоб на асабісты прыём да кіраўніцтва Іванаўскага раённага выканаўчага камітэта.
Пры запісе на асабісты прыём да кіраўніцтва райвыканкама высвятляецца сутнасць пытання, удакладняюцца матывы звароту, а таксама іншыя звесткі, неабходныя для належнай арганізацыі асабістага прыёму.
Пры вусным звароце грамадзяне павінны прад'явіць дакумент, які пацвярджае асобу. Прадстаўнікі заяўнікаў павінны прад'явіць таксама дакументы, якія пацвярджаюць іх паўнамоцтвы.
Згодна з пунктам 2 артыкула 6 Закона Рэспублікі Беларусь ад 18 ліпеня 2011 г. № 300-3 «Аб зваротах грамадзян і юрыдычных асоб» службовыя асобы арганізацый, якія праводзяць асабісты прыём, а таксама работнікі арганізацый, упаўнаважаныя ажыццяўляць папярэдні запіс на асабісты прыём, не маюць права адмовіць у асабістым прыёме, запісе на асабісты прыём, акрамя выпадкаў:
• звароты па пытаннях, якія не ўваходзяць у кампетэнцыю гэтых арганізацый;
• звароты ў неўстаноўленыя дні і гадзіны;
• калі заяўніку ўжо быў дадзены поўны адказ на яго пытанні;
• калі з заяўнікам спынена перапіска па выкладзеных у звароце пытаннях;
• калі заяўнік выкарыстоўвае тэхнічныя сродкі (аўдыа- і відэазапіс, кіна- і фотаздымкі) без згоды службовай асобы, якая праводзіць асабісты прыём, і адмаўляецца спыніць іх выкарыстанне;
• непрад'яўлены дакумент, які пацвярджае асобу заяўніка, яго прадстаўніка, а таксама дакумент, які пацвярджае паўнамоцтвы прадстаўніка заяўніка.
